في مجتمعاتنا، بنتعامل مع كتير من المواضيع المرتبطة بالجسد، والصحة، والحقوق الجنسية، على إنها “عيب” ميصحش نتكلم فيها لا في الخاص مع أولادنا ولا في العام في المدارس والمساحات الرقمية والإعلام.
لكن الحقيقة إن اللي بيخلينا نتحرج أو نسكت مش جوهر الموضوع نفسه، بل الطريقة اللي اتعلمنا بيها نكتم الكلام، ونخاف من السؤال.
التثقيف الصحي والجنسي مهم ومش سر، ومش عيب، الوصول للمعلومات حق وحماية، ومصدر قوة.
أكتر من نص الشباب والبنات (حسب دراسة أعدتها #مؤسسة_إدراك وسيتم نشرها أثناء الحملة) بيضطروا يجيبوا أهم المعلومات عن صحتهم الجنسية من مصادر غير موثوقة، أو من أصحابهم، بينما المؤسسات المسؤولة عن الدور دة في المجتمع لسة بيخافوا يتكلموا حابسين نفسهم في سجن الـ “عيب”.
هل العيب في المعلومة اللي بنبحث عنها؟ ولا العيب في الصمت والخوف اللي بيخلينا ندور عليها في الخفاء؟
#أصله_مش_سر حملة لوقف الخجل، ومواجهة الحقيقة، والحديث عن المنصات اللي بتنشر الوعي الصحي و الجنسي، وإيه المشاكل اللي بيواجهوها بسبب ثقافة العيب؟ وهل الشباب فعلاً محتاجين النوع دة من المحتوى؟
تابعونا هنتكلم أكتر عن نشر المحتوى المرتبط بـ #الصحة_الجنسية في ثقافتنا العربية، في حملة #أصله_مش_سر
